شامي عم يتغزل

موضوع: شامي عم يتغزل السبت 07 يناير 2012, 9:51 pm

[شامي عم يتغزل
بحبك حب الشباك للبرداية
بحبك حب الأرنبيط للكوساية
بحبك حب الشلمونة للكولاية
لك بحبك حب الطشت للكبجاية
ياريت تكوني شخبرة...وكون انا المحاية
ياريت تكوني بريات...وكون انا البراية
ياريت ماتحطيلي زء...لما كون انا جاية
بحب ضحكتك يللي متل صوت المعزاية
بحبك حب الدؤونة للهاية
بحبك حب المألمة للشنتاية
ياريت تكوني عوجا وكون أنا العرباية
ياريت تكوني طربيزة...وكون أنا كنباية
يامدلوئة حياتي وشعيبيات عمري ووربات بئشطة روحي...يا محلاية أحلى زبدية
بحبك حب الريموت للتلفزيون
بحبك حب درفة الباب للمندلون
بحبك حب بنت اختي الفصعونة لسبيس تون
بحبك حب أبو السوم للطابة
بحبك إزا كنتي متنحة او حبابة
بحبك حتى لو كان صوتك متل موتور الدبابة...
سمعيني شوي لحتى احكيلك الئصة
ياريت تكوني حنفية عم تشرشر...وأنا جلدتها

نشا الله مايبلا هالطول...متل عرئ الفصا
لك ياريت تكون معي هيك كمشة بزر وأعطيكي نصا

بحبك حب منير الجبان لكلمة صباح الخير

بحبك حب جهاد سعد لبرنامج خبرني ياطير
لك بتسدئي؟؟
بحبك حب جورج بوش لتوني بلير
شه..!!

بحبك حب الآرمة للعامود

بحبك حب الزلائط للمعؤوود...

بحبك حب السعادين للقرود...

بحبك إزا كنتي ساكتة أو عم تحاكينا...

بحبك حب ابن أختي الفصعون لبوظة كارينا..

بحبك حب البردان... للكرمنتينا

حاجة بأة...جننتينا
[ندعوك للتسجيل في المنتدى أو التعريف بنفسك لمعاينة هذه الصورة]

شو هالغزل هاد اول مرة اسمع فيه